ليه لازم تحمي حساب جوجل !!

 السلام عليكم واهلا بيكم في موضوع جديد
فيالموضوع دا الحقيقة اتمني كل الناس يكون عندها وعي كامل عن تأمين حساباتها وخصوصا حساب الجيميل لان الموضوع زاد عن حده في موضوع اختراق الجيميل؟؟
ودا هيكون موضوع حلقة النهارده وهوه ليه لازم ناخد بالنا علشان حساب الجيميل ميتمش اختراقه علشان منرجعش نندم والكلام دا 

خصوصا للناس اللى معندها وعي لو حساب
الجيميل تم اختراقة الاضرار اللى هتعود عليه هتكون ايه طبعا الاضرار كتير جدا ولاكن هنذكر اهمها ؟؟
الجيميل بيكون عليه صورك الموجوده علي الموبايل كلها بيكون في نسخه منها علي الجيميل لو في كونكت ما بين الجيميل والموبايل وطبعا علشان كلنا بلا اثتثناء بنفتح من شبكة واي فاي فتلقائي بيتم عمل مزامنه ما بين الجيميل والموبايل ؟؟
وباالتالي بيكون في نسخه من الحاجات اللى هقولها دي موجوده علي الجيميل
زي الصور وارقام الموبايل والتطبيقات اللى انت بتستخدمها وكلمات المرور المسجله؟؟
طيب الصور وعرفنا انها بيتعملها مزامنه طيب والارقام ؟؟
الارقام برضوا بيتعلمها مزامنه وبتتحفظ علي الجيميل برضوا ؟
اما بالنسبة لكلمات المرور اكيد كلنا لما بنيجي نفتح اى متصفح ونيجي نكتب اي كلمة مرور بعد ما بنضغط علي تسجيل الدخول بيظهرلنا  اشعار بيقولك هل تريد حفظ كلمة المرور ؟
اكيد كلنا مر علينا الموضوع دا واكيد في حد ضغط علي حفظ انت بقي لما بتضغط حفظ برضوا كلمة المرور بتتحفظ تلقائي في الجيميل او في حساب جوجل بمعني اوضح؟؟
يبقي كدا عرفنا ايه اللى هيحصل لو تم اختراق حساب الجيميل وهوه ان اللى اخترق الحساب هيكون معاه نسخه من الحاجات اللى احنا قلناها دي ؟؟
طيب ازاي نحمي نفسنا من الموضوع دا علشان منوقعش في الفخ دا ؟؟
أول حاجه طبعا ودا اهم شئ مينفعش يكون في حد هوه اللى عاملك الاكونت بتاعك طيب لو في حد هوه اللى عاملي الاكونت بتاعي اعمل ايه هتغير كلمة المرور بأسرع وقت؟؟؟
في ناس هتقولي ازاي هغير كلمة المرور وانا مش معايا الباسورد اساسا؟؟؟
هقلك هتغير كلمة المرور ازاي حتي لو مش معاك الباسورد بمجرد فقط ان الحساب يكون مسجل دخول عندك علي الموبايل ؟؟؟
وهسيبلك لينك لفيديو بيشرح ازاي تغير كلمة مرور الجيميل حتي لو مش معاك كلمة المرور ؟؟
وبمناسبة كلمة المرور حابب افكر الناس ان المفرود اي كلمة مرور تكون مكونه من حروف كبيره وحروف صغيره وأرقام وعلامات؟؟
وفي ملحوظة تانيه وهيه ألحروف الكبيرة والحروف الصغيره مش بتفرق في كتابة البريد بتاعك يعني لو البريد بتاعك مكون من خمس حروف مثلا مش هيفرق لو كتبت حرف كبير وحرف صغير
ولاكن  طبعا بتفرق في كلمة المرور النقطة في كلمة المرور بتفرق ومن غيرها الحساب ميفتحش؟؟
وفي تنبيه تاني وهوه ان محدش يعمل كلمة المرور الخاصة بيه حاجه من الحاجات اللى هقولها دي وهيه كالتالى
رقم موبايلك أو تاريخ ميلادك أو أسمك أو أسم من أسماء أبنائك؟؟
النقطة الاهم في الموضوع اننا نفعل خيار التحقق بخطوتين ودي ميزة كويسة جدا وأمنه بنسبة كبيره
طيب ليه امنه بنسبة كبيره هقلك ليه ؟؟
فلنفترض ان في حد عرف كلمة المرور بتاعت الحساب بتاعك بأي طريقة أيا كانت الطريقة اللى عرف بيها الباسورد بتاعك فالحاله دي
لو انت مفعل ميزة التحقق بخطوتين هوه مش هيعرف يفتح الاكونت الا عن طريق الرساله اللى هتوصلك علي رقم موبايلك وبتأكد عليك ان في حد بيحاول يفتح الحساب بتاعك
والرساله بيكون فيها كود مكون من 6 ارقام لازم يكونوا موجودين معاه علشان يقدر يفتح الحساب؟؟
طيب هل لو انا عملت كلمة مرور قوية هتكون كافية ان محدش يقدر يخترق حسابي ؟؟
هقلك لا طبعا لان طرق اختراق الحسابات متعدده وكتير جدا ولاكن لو فعلت خيار التحقق بخطوتين فدا هيكون أأمن ليك بنسبة كبيره جدا ؟؟
وبكدا هنكون انتهينا من موضوع النهارده ولو في اي حد عنده سؤال  ممكن يكتبه في كومنت ,, أشوفكوا بخير سلآم